ວັນທີ 2 ຕຸລານີ້ ທ່ານ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງອຸດົມໄຊ ລົງເຄື່ອນໄຫວ ພົບປະໂອ້ລົມ ຄະນະອຳນວຍການ, ພະນັກງານ, ຄູ-ອາຈານ ແລະ ນັກສຶກສາ ວິທະຍາໄລເຕັກນິກວິຊາຊີບ ແບບປະສົມ ແຂວງອຸດົມໄຊ ໂດຍມີ ທ່ານ ສົມສັກ ສຸພິໄລ ກຳມະການພັກແຂວງ, ຫົວໜ້າພະແນກສຶກສາທິການ ແລະ ກິລາ ພ້ອມດ້ວຍຄະນະອຳນວຍການ, ພະນັກງານ, ຄູ-ອາຈານ ແລະ ນັກສຶກສາ ພາຍໃນວິທະຍາໄລ ເຂົ້າຮ່ວມ.
ໃນການລົງພົບປະໂອ້ລົມຂອງທ່ານເຈົ້າແຂວງ ເພື່ອສະແດງເຖິງຄວາມເປັນຫ່ວງເປັນໄຍ ຕໍ່ ຄູ-ອາຈານ ທັງເປັນການຊຸກຍູ້ການຈັດຕັ້ງປະຕິບັດວຽກງານ ໂດຍສະເພາະແມ່ນ ການຮຽນ-ການສອນ ຂອງວິທະຍາໄລ ທ່ານເຈົ້າແຂວງໄດ້ຮັບຟັງການລາຍງານ ການຈັດຕັ້ງປະຕິບັດ ການຮຽນ-ການສອນ ໄລຍະຜ່ານມາ ຈາກ ທ່ານ ໄກ່ອຳພອນ ພົມມະລີ ຮອງອຳນວຍການວິທະຍາໄລເຕັກນິກວິຊາຊີບ ແບບປະສົມ ເຊິ່ງປະຈຸບັນ ວິທະຍາໄລເຕັກນິກວິຊາຊີບແບບປະສົມແຂວງອຸດົມໄຊ ປະກອບມີ 5 ພາກວິຊາ ຄື: ພາກວິຊາກໍ່ສ້າງ-ເຄຫາສະຖານ, ເຕັກໂນໂລຊີລົດຍົນ, ເຕັກໂນໂລຊີໄຟຟ້າ, ກະສິກຳ ແລະ ພາກວິຊາຄະຫະກຳ ແລະ ຈັດຕັ້ງ ການຮຽນ - ການສອນ ໃນ 11 ສາຂາວິຊາສະເພາະ ຄື: ສາຂາວິຊາກໍ່ສ້າງ, ຊ່າງໄມ້, ລົດຍົນ, ຊ່າງຈອດ, ໄຟຟ້າເຕັກນິກ, ໄຟຟ້າເຄື່ອງເຢັນ, ປູກຝັງ, ລ້ຽງສັດ, ບໍລິການອາຫານ ແລະ ເຄື່ອງດື່ມ, ບໍລິການທ່ອງທ່ຽວ ແລະ ເດີນທາງ ແລະ ສາຂາຕັດຫຍິບ ຈັດການຮຽນ - ການສອນ ທັງໃນ ແລະ ນອກລະບົບ ຄື: ຝຶກອົບຮົມໄລຍະສັ້ນໃຫ້ແກ່ຊາວບ້ານ, ສາມັນວິຊາຊີບພັກສິ້ນປີຮຽນ ແລະ ຄູ່ຂະໜານໃນລະດັບ C1-C5, ມີ ພະນັກງານ, ຄູ-ອາຈານ ທັງໝົດ 78 ຄົນ, ຍິງ 22 ຄົນ, ມີນັກສຶກສາ C1-C5 ທັງໝົດ 976 ຄົນ, ຍິງ 375 ຄົນ.
ຈາກນັ້ນ ທ່ານເຈົ້າແຂວງ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ທາງວິທະຍາໄລ ຍາດມາໄດ້ໄລຍະຜ່ານມາ ພ້ອມທັງເນັ້ນໃຫ້ ພະນັກງານ, ຄູ-ອາຈານ ສືບຕໍ່ຈັດຈັ້ງປະຕິບັດບັນດາໂຄງການຫລັກສູດການສຶກສາໃຫ້ໄດ້ຮັບຜົນສຳເລັດ, ຖືເອົາວຽກງານການເມືອງແນວຄິດເປັນສຳຄັນ ເພື່ອສຶກສາອົບຮົມໃຫ້ແກ່ພະນັກງານ, ຄູ-ອາຈານ ໃຫ້ມີແນວຄິດອຸ່ນອ່ຽນທຸ່ນທ່ຽງ, ມີຄວາມອົດທົນຕໍ່ຫນ້າທີ່ວຽກງານ, ມີຄວາມສາມັກຄີເປັນຈິດຫນຶ່ງໃຈດຽວ, ພ້ອມກັນປະຢັດມັດທະຍັດ ຕິດພັນກັບການ ສ້າງອາຊີບເສີມ ເພື່ອສ້າງເສດຖະກິດຄອບຄົວໃຫ້ມີຄວາມເຂັ້ມແຂງ ເພິ່ງຕົນເອງ, ກຸ້ມຕົນເອງ, ສ້າງການຫັນປ່ຽນໃຫມ່ດ້ານຈິນຕະນາການ ເພື່ອນຳພາການເຄື່ອນໄຫວວຽກງານພາຍໃນວິທະຍາໄລໃຫ້ມີຄວາມເຂັ້ມແຂງ, ເປັນທີ່ຍອມຮັບຂອງສັງຄົມ ໂດຍສະເພາະແມ່ນການພັດທະນາດ້ານຫລັກສູດ ການຮຽນ-ການສອນ ໃຫ້ແທດເຫມາະກັບສະພາບການໃນປະຈຸບັນ ແລະ ອານາຄົດ ທັງເປັນການຝຶກທັກສະແລະສ້າງປະສົບການໃຫ້ແກ່ວິຊາການແລະນັກສຶກສາ. ສໍາລັບ ນັກສຶກສາ ຕ້ອງເອົາໃຈໃສ່ຕັ້ງຫນ້າຄົ້ນຄວ້າຮ່ຳຮຽນ ຝຶກຝົນຫຼໍ່ຫຼອມຕົນເອງ ໂດຍຖືເອົາການສຶກສາເປັນສຳຄັນ ເພື່ອພັດທະນາ ແລະ ສ້າງອາຊີບໃຫ້ແກ່ຕົນເອງໃນອານາຄົດ. ໂອກາດດັ່ງກ່າວ ທ່ານເຈົ້າແຂວງ ຍັງໄດ້ໄປຢ້ຽມເບິ່ງການປະຕິບັດ ການຮຽນ-ການສອນ ຂອງແຕ່ລະພາກວິຊາພາຍໃນວິທະຍາໄລ.
ເພື່ອເປັນການຫວນຄືນມູນເຊື້ອວັນສ້າງຕັ້ງສະຫະ ພັນກຳມະບານລາວ ຄົບຮອບ 69 ປີ (01 ກຸມພາ 1956 -01 ກຸມພາ 2025) ແລະ ຜົນງານຂອງສະຫະພັນກຳ ມະບານເມືອງເງິນ ແຂວງໄຊຍະບູລີໃນໄລຍະຜ່ານມາ ໃນວັນທີ 4 ກຸມພາ 2025ນີ້ ຢູ່ທີຫ້ອງປະຊຸມໃຫຍ່ຂອງເມືອງເມືອງເງິນ ແຂວງໄຊຍະບູລີ.ໄດ້ຈັດພິທີປະຖະກະຖາເລົ່າຄືນມູນເຊື້ອວັນສ້າງຕັ້ງສະຫະພັນກຳມະບານລາວ,ໂດຍການເປັນກຽດເຂົ້າຮ່ວມແລະໃຫ້ກຽດປະຖະກະຖາຂອງທ່ານ ນາງ ສີຈົມ ບຸນມານະທຳ ພະ ຮອງເລຂາພັກເມືອງໆເງິນ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ,ຮອງຫົວໜ້າຫ້ອງການ,ອົງການ,ກົມກອງ,ພະນັກງານຫຼັກແຫຼ່ງ,ຄະນະບໍລິຫານສະຫະພັນກຳມະບານເມືອງ, ຄະນະກຳມະບານຮາກຖານພ້ອມສະມາຊິກກຳມະບານພາຍໃນເມືອງເຂົ້າຮ່ວມ.
ໃນພິທີທ່ານ ນາງສີຈົມ ບຸນມານະທຳ ຮອງເລຂາພັກເມືອງໆເງິນໄດ້ໃຫ້ກຽດປາຖະກະຖາເລົ່າຄືນມູນເຊື້ອຂອງວັນສ້າງຕັ້ງສະຫະພັນກຳມະບານລາວ ເຊີ່ງໄດ້ຍົກໃຫ້ເຫັນມູນເຊື້ອການເຕີບໃຫຍ່ຂະຫຍາຍຕົວຂອງວັນສ້າງຕັ້ງສະພັນກຳມະບານລາວວັນທີ 01 ກຸມພາ 1956, ປະຫວັດຄວາມເປັນມາ ກໍ່ຄືໄລຍະການຕໍ່ສູ້ກູ້ຊາດ ຂອງຊົນຊັ້ນກໍາມະກອນ ແລະ ຜູ້ອອກແຮງງານລາວບັນດາເຜົ່າໃນ ເມື່ອກ່ອນ ພາລະກໍາປະຫວັດສາດ, ຈຸດພິເສດ ເເລະ ຄຸນລັກສະນະອັນດີເລີດ ຂອງຊົນຊັ້ນກໍາມະກອນລາວ ໃນການຕໍ່ສູ້ປົດປ່ອຍຊາດ, ປົກປັກຮັກສາ, ສ້າງສາ ແລະ ພັດທະນາປະເທດຊາດ ເສີມຂະຫຍາຍມູນເຊື້ອອັນດີງາມ ຂອງຊົນຊັ້ນກໍາມະກອນລາວ ໃນເມື່ອກ່ອນຈົນເຖິງ ປັດຈຸບັນ ເເລະ ສະຫະພັນກໍາມະບານແຕ່ລະຂັ້ນໄດ້ເສີມຂະຫຍາຍທາດແທ້ລັກສະນະອັນດີເລີດ, ມູນເຊື້ອອັນ ດີງາມ ຂອງກໍາມະກອນລາວ ບັນດາເຜົ່າໃນຕະຫຼອດໄລຍະ 69 ປີ ໄດ້ທົບທວນຜົນງານຕົວຈິງ ຂອງສະຫະພັນ ກໍາມະບານ ໃນການເຄື່ອນໄຫວວຽກງານກໍາມະບານແຕ່ລະໄລຍະ ແລະ ຜົນງານພົ້ນເດັ່ນໃນຫນຶ່ງປີຜ່ານມາ.ຈຸດປະສົງກໍ່ເພື່ອເປັນການສຶກສາອົບຮົມທາງດ້ານການເມືອງ-ແນວຄິດ ໃຫ້ແກ່ຖັນແຖວສະມາຊິກກໍາມະບານ, ກໍາ ມະກອນ ເເລະ ຜູ້ອອກແຮງງານ ໄດ້ຮັບຮູ້ເຖິງຄວາມຫມາຍ ແລະ ຄວາມສໍາຄັນ ກ່ຽວກັບພາລະບົດບາດ, ສິດ ແລະ ໜ້າທີ່ ຂອງສະຫະພັນກໍາມະບານລາວ ໃນໄລຍະໃຫມ່ ເຊິ່ງເປັນອົງການຈັດຕັ້ງທີ່ເປັນຕົວແທນແຫ່ງການປົກປ້ອງ ສິດຜົນປະໂຫຍດອັນຊອບທໍາ ຂອງສະມາຊິກກໍາມະບານ, ກໍາມະກອນ ເເລະ ຜູ້ອອກແຮງງານ ພ້ອມທັງເປັນການ ເສີມຂະຫຍາຍທາດແທ້, ມູນເຊື້ອປະຕິວັດ, ຄຸນລັກສະນະອັນດີເລີດ ຂອງຊົນຊັ້ນກໍາມະກອນລາວ ພາຍໃຕ້ ການນໍາພາ ຂອງພັກປະຊາຊົນປະຕິວັດລາວ; ເປັນການປຸກລະດົມຂົນຂວາຍໂຄສະນາໃຫ້ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໃຫ້ມີຄວາມຮັບຮູ້, ເຂົ້າໃຈ ກ່ຽວກັບມູນເຊື້ອການເຕີບໃຫຍ່ຂະຫຍາຍຕົວ ຂອງສະຫະພັນກໍາມະບານລາວ, ທີ່ຕິດພັນກັບມູນເຊື້ອການຕໍ່ສູ້ກູ້ຊາດແຕ່ລະໄລຍະຈົນເຖິງປະຈຸບັນ ຂອງຊົນຊັ້ນກໍາມະກອນ ແລະ ຜົນງານການ ປະກອບສ່ວນເຂົ້າໃນການປົກປັກຮັກສາ ເເລະ ສ້າງສາພັດທະນາປະເທດຊາດ, ແນໃສ່ປູກຈິດສໍານຶກ ແລະ ຫວນ ຄືນມູນເຊື້ອອັນອົງອາດກ້າຫານ ຂອງສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ທີ່ໄດ້ຕັ້ງຫນ້າປະ ກອບສ່ວນເຂົ້າໃນການເຄື່ອນໄຫວວຽກງານກໍາມະບານລາວ ແລະ ປຸກລະດົມໃຫ້ສະມາຊິກກໍາມະບານຕັ້ງຫນ້າ ປະຕິບັດວຽກງານວິຊາສະເພາະ ຂອງຕົນ, ມີລະບຽບວິໄນໃນການອອກແຮງງານ ແລະ ການຈັດຕັ້ງປະຕິບັດຂໍ້ ແຂ່ງຂັນ 5 ເປັນເຈົ້າ ໂດຍຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ”.ທັງເປັນການຈັດຕັ້ງເຜີຍແຜ່ເຊື່ອມຊຶມແນວທາງແຜນນະໂຍບາຍ ຂອງພັກ, ກົດຫມາຍ, ລະບຽບການ ຂອງລັດ ແລະ ຂອງກໍາມະບານ ໃຫ້ສະມາຊິກກໍາມະບານ, ກໍາມະກອນ ເເລະ ຜູ້ອອກແຮງງານ ໃຫ້ມີຄວາມ ມີສະຕິຕໍ່ການຈັດຕັ້ງ, ມີລະບຽບວິໄນ, ມີຄວາມສາມັກຄີແໜ້ນແຟ້ນຢູ່ອ້ອມຂ້າງພັກ.
ໃນຕອນທ້າຍຍັງໄດ້ເຊື່ອມຊືມເອກະສານຜົນສໍາເລັດກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝທີXI ແລະ ຜົນສຳເລັດກອງປະຊຸມຄົບຄະນະຄັ້ງທີ 3 ຂອງຄະນະກໍາມະການສູນກາງພັກຄອມມູນິດຈີນ ຄັ້ງທີ XX
ມູມສູງ ເມືອງເງິນ ແຂວງໄຊຍະບູລີ ປະເທດລາວ Ngeng district, Xayaboury, Laos
